آی گلهجاخ
گلدی شعبان یاریسی یر اوزونه آی گلهجاخ
گویدکی آیه ددیم آی سنه بیر تای گله جاخ
ددی او گوندن ایشیخدی منه اونا تای اولمام
اونی سن گورسن اگر گونده سنه زای گلهجاخ
من ددیم بو اوریین طاقتی یوخ پس نه زمان
اونون او صاف ایشیقیندان بیزه بیر پای گلهجاخ
آی بیر آز گولومسنیپ چوندی منه بیله ددی
او گونه آز قالیره گونلری تز سای گله جاخ
البت بیر گون اولاجاخ ظلمتین عومری قوتولا
بونی هر کس بولوری قیش قوتولوپ یای گله جاخ
شب نیمه شعبان سال 86